Pasinaon Basa Jawa
Warta
TABUNG GAS PADHA MBLEDHOS
Karepe
mono kepengin nyuksesake programe pamarentah ing babagan konversi
tabung gas minangka gantine lenga pet (mambu) kanggo urusan mangsak
lan olah-olah liyane. Nanging sawise telung taun mlaku, dadine malah
gawe mirise warga masarakat sing padha nggunakake tabung gas,
khususe sing bobot 3 kg. Mirise warga masarakat mau mesthi wae ana
dhasare. Amarga nganti tekan saiki akeh kedadeyan tabung gas padha
mbledhos lan nyebabake warga masarakat kang dadi korban. Wis puluhan
tabung gas mbledhos ing pirang-pirang dhaerah lan nyebabake korban
kang ora sethithik. Malah sebageyan korban nganti tumekaning pati.
Durung maneh sing sebageyan nandhang tatu abot lan entheng.
Kapitunan liyane uga dirasakake dening warga masarakat, kang umume
saka ekonomi lemah, kayata omah lan saisine kang acur lan remuk.
Pira wae kapitunan kang wis ditandhang dening rakyat cilik.
Pancen ancase pamarentah pusat iku apik,
kanggo nyuda subsidi lan supayane ngurangi pemanasan global. Nalika
rakyat isih padha nggunakake lenga mambu kanggo olah-olah lan
kabutuhane liyane, jarene subsidi utawa bantuwan saka pamarentah
tansaya mundhak saben taune. Mula pamarentah banjur gawe ada-ada
konversi minyak tanah marang gas. Apa maneh masarakat uga
entuk-entukan barang gratis awujud tabung gas 3 kg, kompor gas
saselange. Mesthi wae kabeh mau disengkuyung dening masarakat.
Wis dadi cirine pamarentah, nalika ana
program anyar banjur enggal ditandangi kanthi nggandheng pehak-pehak
liya kanggo nyuksesake program kasebut. Lan maneh, sejatine
pamarentah uga wis gawe standard barang supaya bisa gawe keslametane
rakyat. Nanging sing kerep dilirwakake dening pamarentah adate ing
babagan “pemantauan” barang produksi. Mula ora mokal, nalika
produksi kasebut wis dipasrahake dening pehak liya, pamarentah wis
lali ora ngecek maneh hasile prodhuksi sing digawe pehak liya mau.
Nalika barang kasebut wis tekan rakyat, jebul ana cacade, sing
jarene ora cocog karo standard sing ditemtokake dening pamarentah.
Malah sok-sok uga nyalahake rakyat sing ora dhong nggunakake tabung
gas. Mula nalika wis akeh kedadeyan tabung gas mbledhos, pamarentah
lagi ribut maneh. Wah pokoke rakyat cilik sing terus entuk awu,
mesakake tenan. Wis golek pangan angel, isih entuk risiko gedhe
mbledhose tabung gas.
Berita
BANYAK TABUNG GAS MELEDAK
Tujuan sebenarnya ingin ikut menyukseskan
program pemerintah dalam hal konversi tabung gas sebagai pengganti
minyak tanah untuk urusan memasak dan sejenisnya. Tetapi setelah
tiga tahun berjalan, justru membuat ketakutan warga masyarakat yang
menggunakan tabung gas, khususnya berbobot 3 kg. Ketakutan warga
masyarakat itu tentu saja ada dasarnya. Sebab hingga saat ini sudah
banyak kejadian tabung gas yang meledak sehingga menyebabkan warga
masyarakat yang menjadi korban. Sudah puluhan tabung gas meledak di
berbagai daerah dan menyebabkan korban yang tidak sedikit. Bahkan
sebagian korban menemui ajalnya. Belum lagi sebagian lainnya
mengalami luka berat dan ringan. Kerugian lainnya juga dirasakan
oleh warga masyarakat, yang umumnya berasal dari ekonomi lemah,
seperti rumah seisinya porak poranda dan hancur. Berapa banyak
kerugian yang harus ditanggung oleh rakyat kecil.
Memang sebenarnya tujuan pemerintah pusat
itu baik, yaitu untuk mengurangi subsidi dan supaya mengurangi
pemanasan global. Ketika rakyat masih menggunakan minyak tanah untuk
urusan memasak dan kebutuhan lainnya, katanya subsidi yang diberikan
pemerintah kepada rakyat kecil terus mengalami kenaikan setiap
tahunnya. Maka pemerintah lalu berinisiatif membuat program konversi
minyak tanah ke gas. Apalagi masyarakat juga mendapat barang gratis
dari konversi itu berupa tabung gas 3 kg, kompor gas dan selang
perlengkapannya. Tentu saja program pemerintah itu lalu didukung
oleh masyarakat.
Sudah menjadi tradisi pemerintah, ketika ada
program baru segera dilaksanakan bekerjasama dengan pihak-pihak lain
untuk menyukseskan program tersebut. Dan lagi, sebenarnya pemerintah
juga sudah membuat standard barang agar dapat menjamin keselamatan
rakyat. Tetapi hal yang sering dilupakan oleh pemerintah adalah
dalam hal pemantauan barang produksi. Maka tidak heran jika produksi
tersebut sudah dipasarkan ke pihak lain, pemerintah sudah lupa tidak
lagi mengecek hasil produksi yang dibuat pihak lain tersebut. Ketika
barang sudah sampai pada rakyat, ternyata ada cacadnya, yang katanya
tidak sesuai dengan standard yang ditentukan oleh pemerintah. Bahkan
kadang-kadang pula justru menyalahkan rakyat yang tidak paham
menggunakan tabung gas. Maka ketika banyak kejadian tabung gas
meledak, pemerintah baru ribut lagi. Wah pokoknya rakyat kecil
selalu terus yang mendapatkan dampak buruknya, sungguh kasihan.
Sudah mencari nafkah sulit, masih harus terkena risiko besar dari
ledakan tabung gas.
Teks oleh : Suwandi
Ilustrasi oleh : Sartono